Уур амьсгалын өөрчлөлттэй тэмцэх, сөрөг нөлөөллийг бууруулахад санхүүгийн механизм чухал үүрэг гүйцэтгэх бөгөөд сүүлийн жилүүдэд ногоон санхүүжилтийн хэлбэрүүд хурдацтай хөгжиж байна.
Иймээс “Тэрбум мод хөдөлгөөн” НҮТББ-ын гүйцэтгэх захирал Г.Энхтайван, Гадаад харилцаа, төсөл хөтөлбөр хариуцсан хэлтсийн дарга С.Энхжаргал нар “Эрнст энд Янг Монголия Аудит ХХК-ийн Олон Улсын Татварын Үйлчилгээ хариуцсан партнер Р.Хишигнэмэх, Уур амьсгалын өөрчлөлт ба Тогтвортой байдлын үнэлгээний ахлах О.Мягмарсүрэн, Бизнес зөвлөх үйлчилгээний мэргэжилтэн М.Хонгорзул нартай “Тэрбум мод хөдөлгөөн”-ий хүрээнд хамтран ажиллах талаар харилцан ярилцлаа.
